Таниқли инсайдер: Аббосбек Файзуллаев ҳозирча Туркияда тиббий кўрикдан ўтгани йўқ

Ўзбекистон терма жамоаси ва ЦСКА жамоаси футболчиси Аббосбек Файзуллаев ҳозирча Туркиянинг "Истанбул Башакшехир" клубида тиббий кўрикдан ўтгани йўқ.

Аввалроқ, 21 ёшли футболчи янги клубига ўтиши арафасида муваффақиятли тиббий кўрикдан ўтгани ҳақида хабарлар тарқалган эди. Аммо инсайдер Иван Карповнинг маълумотларига кўра, Файзуллаев Истанбулга етиб келган бўлса-да, маҳаллий аэропортдаги паспорт назорат сабабли ҳамон аэропортда. 

Режага кўра, Аббосбек 23 июль, чоршанба куни тиббий кўрикдан ўтади.

Трансфер ҳақидаги маълумотларга кўра, ЦСКА терма жамоамиз аъзоси учун 7,5 миллион евро миқдорида маблағ қабул қилади.