Tailand ustozi O‘zbekistonning kuchiga yuqori baho berdi

Xabaringiz bor, Osiyo kubogi saralashidan o‘rin olgan Shri-Lanka - Tailand uchrashuvida nominal mehmonlar 2:0 hisobida raqibdan ustun keldi.  

Bellashuvdan so‘ng har ikkala jamoa ishtirokida matbuot anjumani bo‘lib o‘tdi. Qo‘yida Tailand ustozi Aleshandre Pyolkingning fikrlari bilan tanishib chiqing. 

- Doim himoyalanayotgan jamoaga qarshi o‘ynash juda ham qiyin. Raqibimiz deyarli hujumga borgani ham yo‘q. Faqat gol o‘tkazib yubormaslik haqida o‘yladi. Shu sababli biz ham biroz qiynaldik.

- Lekin guruhda chiqish vazifasini uddaladik, deb o‘ylayman. Chunki 6 ochko bizga etarli bo‘lishi kerak. Keyingi uchrashuv esa O‘zbekistonga qarshi katta test bo‘ladi biz uchun.

- O‘zbekiston kuchli raqib va men bu jamoaga qarshi maksimal, to‘liq asosiy tarkibda o‘ynab, natijaga intilishga harakat qilaman. O‘zbekistonda qarshi o‘yin ham biz hujumkor uslubimizdan voz kechmaymiz.