Таэквондочиларимиз Хитойдан 5 та медаль билан қайтишди

"Бутунжаҳон таэквондо федерацияси Президенти кубоги". Мусобақанинг илк кунини 5 та медаль билан якунладик, Жасурбек Жайсунов ва Марат Мавлоновда олтин! 
 
Бугун Хитойнинг Тайян шаҳрида таэквондо WТ бўйича Г3 классификатсиясидаги "Бутунжаҳон таэквондо федерацияси Президенти кубоги"нинг Осиё минтақаси учун мўлжалланган мусобақаси старт олди. 
 
Илк кун доирасида эркаклар ўртасида +87 кг, -87 кг, -80 кг, -74 кг, аёллар ўртасида эса -46 кг, -49 кг, -53 кг, ҳамда -57 кг вазн тоифаларидаги беллашувлар ташкил этилди. 
 
Унда Павел Хан бошчилигидаги Ўзбекистон миллий терма жамоасининг жами 13 нафар таэквондочиси даянгга кўтарилди. Беллашувлар якунида вакилларимиз 2 та олтин, 1 та кумуш ва 2 та бронза, жами 5 та медальга эга чиқишди. 
 
Олтин: 
 
Жасурбек Жайсунов (-80 кг) 
Марат Мавлонов (+87 кг). 
 
Кумуш: 
 
Шуҳрат Салаев (-87 кг). 
 
Бронза: 
 
Ёдгорбек Жўрабоев (-87 кг) 
Мадина Мирабзалова (-57 кг). 
 
Эртага турнир доирасида беллашувлар давом эттирилади.