Taekvondochilarimiz onlayn mashg‘ulotlar olib bormoqda (video)

Xabarinigiz bor, koronavirus pandemiyasi bois olimpiya sport turlari bo‘yicha O‘zbekiston milliy terma jamoalari a’zolari uchun tashkil etiladigan barcha o‘quv-mashg‘ulot yig‘inlari rasman 25 martdan vaqtincha to‘xtatilgan.

3 aprel kuni o‘tgan videoselektor yig‘ilishida O‘zbekiston Respublikasi Prezidenti Shavkat Mirziyoev onlayn mashg‘ulotlarni qunt bilan o‘zlashtirib, badantarbiya va jismoniy mashqlarni bir kun ham qoldirmaslik kerak ekanligini ta’kidlagan edilar. 

Ayni kunlarda, sportchilarimiz ham aynan uy sharoitida mashg‘ulot o‘tkazishmoqda. Jumladan, Dmitriy Shokin, Charos Qayumova kabi taekvondo bo‘yicha O‘zbekiston terma jamoasi a’zolari ham karantin vaqtida uyda mashg‘ulotlarni davom ettirishmoqda.

Taekvondochilarimiz “Zoom” tizimidagi umumiy mashqlardan so‘ng uy sharoitida yakka o‘zlari ham samarali shug‘ullanishmoqda.