Taekvondo WT. Bugun dayanga chiqqan barcha sportchilarimiz mag‘lubiyatga uchradi

Bokuda davom etayotgan taekvondo WT bo‘yicha jahon chempionatining navbatdagi kuni vakillarimiz uchun muvaffaqiyatsiz yakunlandi. Bugun dayanga chiqqan 3 nafar hamyurtimizning barchasi mag‘lubiyatga uchradi.

Ozoda Sobirjonova (-67 kg) birinchi jangida g‘alaba qozongan bo‘lsada, ikkinchi bellashuv musobaqaning beshinchi saralangan sportchisi braziliyalik Milena Titoneli bilan to‘qnash keldi va 1:2 hisobida imkoniyatni boy berdi.

Afsuski, Amir To‘raev ham ikkinchi jangda mag‘lubiyatga uchradi. Avstraliyalik Beyley Lyuis bilan kechgan jangda hamyurtimiz 1:2 hisobida imkoniyatni boy berdi.

-73 kg vazn toifasida dayanga chiqqan Saodatbegim Alieva esa ilk bosqichadayoq germaniyalik Yanna Shnayderga yutqazib qo‘ydi.

Shu tariqa jahon chempionatining bugungi kuni yurtdoshlarimiz uchun muddatidan avval nihoyasiga etdi.