"Сурхон" Суперлигага чиқса мухлислар стадионни тўлдириши ваъда қилинганмиди?

Хабарингиз бор, "Сурхон" клуби бу мавсум спорт приципларига зид равишда Суперлигага қўйилди. Аммо жамоанинг уй ўйинларига мухлислар кутилганидек кўп ташриф буюрмаяпти. Бу эса ПФЛ вакилларининг жумладан ташкилот бош директори маслаҳатчиси Диёр Имомхўжаевнинг эътиборини тортди.

- “Сурхон” Суперлигага қўшилди. Спорт-ТВ Сурхондарёдан жонли трансляцияни ҳам эплай олди. Фақат савол бор эди: қани стадионга сиғмай кетадиган мухлислар?

“Бунёдкор”да 4 дона ҳам мухлис йўқ, бизда 20 минг одам ўйинга киради, деган гапларни қиш давомида кўп эшитдик. Маълумот учун, 2018 йил ўша “Бунёдкор”нинг айнан 2-турдан жой олган “Пахтакор”га қарши ўйинини кўриш учун стадионга 22 минг ишқибоз ташриф буюрган.

Балки “Сурхон” мухлислари ҳам фаоллашиши керакдир? Ишонаманки, улар гап айнан Суперлигада тўп суриш ҳақида қолганини исботлай олишади, - дея ёзган Диёр Имомхўжаев телеграмдаги ўзининг саҳифасида.

Бу орқали "Сурхон" клуби вакиллари агар жамоа Суперлигага қўйилса уй ўйинларга кўплаб мухлисларнинг келиши ваъда қилинганини билдирадими? Ҳар ҳолда биз шундай хулосага келдик. Балки бу шунчаки элитага қайтган клуб учрашувларига ташриф буюраётган ишқибозларни жонлаштиришдик. Яна ким билади дейсиз?!