Superliga yakunlangan mavsumida "Paxtakor" eng ko‘p gol urdi, "Navbahor" eng kam gol o‘tkazgan va boshqa statistikalar

Superliganing 2022 yilgi mavsumi ham yakuniga etdi. Shiddatli kechgan musobaqa oxirida Toshkentning "Paxtakor" klubi chempionlikni qo‘lga kiritdi.

Biz sizga yakunlangan chempionat statistikalarini taqdim etishni davom ettiramiz.

Bu safar eng ko‘p va eng kam gol urgan va o‘tkazib yuborgan jamoalarni sarhisob qilamiz. Unga ko‘ra, "Paxtakor" bu mavsum eng ko‘p gol urgan jamoa bo‘ldi. "Sherlar" hisobida 47 gol mavjud. 

Bekobodning "Metallurg" klubi esa eng kam gol urgan jamoa sifatida statistikadan o‘rin oldi. "Ma’danchilar" yakunlangan mavsumda raqiblari darvozasiga 19 to‘p kiritishga muvaffaq bo‘lgan.

"Navbahor" 15 ta o‘tkazib yuborilgan gol bilan eng yaxshi mudofaaga ega jamoa bo‘ldi. O‘z darvozasidan 47 ta to‘p olib chiqqan "Dinamo" eng ko‘p gol o‘tkazib yuborgan klub sifatida statistikadan joy oldi.