Superliga yakunida ikkinchi va uchinchi o‘rin kimga nasib etadi? O‘tish bahsida qaysi jamoa o‘ynaydi? - Murod Rizaevning taxmini

Bugun Superliga-2021da oxirgi tur bahslari bo‘lib o‘tadi. Chempion nomi ancha avval aniqlangan. Ligani tark etadiganlar ham ma’lum. Faqatgina ikkinchi va uchinchi o‘rin egalari va Pro liga jamoasiga qarshi o‘tish bahsida maydonga tushadigan jamoa nomini aniqlash qoldi xolos.

Oxirgi tur, barcha o‘yinlar bir kunda va bir vaqtda boshlanadi. Taniqli sharhlovchi Murod Rizaev telegramdagi sahifasida uchrashuvlar oldidan kimlar sovrindorga aylanishi va 12-o‘rinni qaysi jamoa egallashi borasida o‘z taxminini bildirdi.

- Katta karvon manzilga etib kelyapti. Bugun barchamizni qiziqtirayotgan ikkinchi, uchinchi va 12-o‘rinlar taqdiri hal bo‘ladi. Keling, bu borada xam taxmin qilib ko‘ramiz... 2.AGMK 3."Nasaf"... 12."Surxon", - deya yozib qoldirdi Murod Rizaev.

Xo‘sh, bu borada sizning taxminingiz qanday? Fikrlaringizni yozib qoldiring.