Суперлига. Ўз майдонида биринчи бор гол ўтказиб юборган "Навбаҳор" бу сафар "Олимпик"ни очкосиз қолдирди

Ўзбекистон Суперлигаси 12-туридан ўрин олган "Навбаҳор" - "Олимпик" баҳси якунланди. Унда мезбонлар 2:1 ҳисобида зафар қучди. 

"Лочинлар" сафида голларга Жамшид Искандеров ва Остон Ўрунов муаллифлик қилди. Меҳмонларнинг ягона голини Руслан Жиянов киритди. Эътиборлиси, "Навбаҳор" ўз майдонида ўтган 5 та ўйиндан бери гол ўтказмасдан келаётган эди.

Шу тариқа, "Навбаҳор" 25 очко билан 1-ўринда қолди. 15 очкоси бор "олимпиячилар" 9-поғонадан жой эгаллаган.

• 90+6'
  

  Баҳс якунига етди. "Навбаҳор" ўз майдонида "Олимпик"ни қийинчилик билан мағлуб этди - 2:1.

• 90+3'
  

  ГОООООООООООЛ! "Олимпик" вакили Жиянов ажойиб ҳаракатлари билан Юсупов дарвозасини ишғол қилди - 2:1.

• 90'
  

  Беллашув асосий вақтига 6 дақиқа қўшиб берилди.

• 86'
  

  Мезбонлар сафида Ўрунов ўрнига Собиржонов тушди.

• 82'
  

  81-дақиқада "лочинлар" таркибида навбатдаги ўзгариш юз бериб,  Темурхўжа Абдухолиқов ўрнига Шоҳруз Норхонов майдонга тушди.

• 80'
  

  Отабек Жўрақўзиев ўз ўрнини Муҳаммадали Ғиёсовга бўшатиб берди. 

• 77'
  

  "Олимпик" таркибида Алишер Одилов ўрнига Темур Мамасидиқов, Фаррух Мухторов ўрнига Муҳаммадазиз Иброҳимов майдонга туширилди. 

• 75'
  

  Шаҳбоз Жўрабеков ҳакам томонидан огоҳлантирилди. 

• 74'
  

  "Навбаҳор" таркибида илк ўзгариш юз бериб, Аброр Исмоилов ўрнига Жасурбек Яхшибоев майдонга тушди.

• 72'
  

  Аброр Исмоилов майдон ташқарисида тиббий ёрдамга муҳтож.

• 69'

  Жалолиддинов рақиб жарима майдони ичида ажойиб ҳаракатлар амалга оширди. Аммо вазият "олимпиячилар"га самара келтирмади. 

• 67'

  Тўп назорати майдон эгаларида.

• 63'

  Учрашув давом этади. Ҳаммаси жойида!

• 61'
  

  4 та футболчи майдонда ётибди. Улар жиддий тўқнашувда иштирок этди. 

• 59'
  

  "Олимпик" футболчилари бурчак зарбасига эга бўлди. Аммо ҳимоячилар хавфни бартараф этди. 

• 56'
  

  Жамшид Болтабоев ва Абдурауф Бўриевга сариқ карточка кўрсатилди.

• 52'

  Наманганликлар тўп назоратига эгалик қилмоқда.

• 49'
  

  ГООООООООООЛ! Остон Ўрунов "Олимпик" дарвозасининг яқин бурчагини нишонга олди ва ҳисобни 2:0 кўринишига келтириб қўйди.

• 47'
  

  Отабек Жўрақўзиев ҳакам томонидан огоҳлантирилди.

• 46'
  

  Иккинчи тайм старт олди.

• 45+2'
  

  Биринчи тайм якунига етди. Ҳозирча "Навбаҳор" 1:0 ҳисобида "Олимпик"ни мағлуб этмоқда. 

• 45'
  

  Биринчи бўлимга 2 дақиқа вақт қўшиб берилди.

• 43'
  

  ГООООООООООООЛ! Аброр Исмоиловнинг зарбасидан сўнг қайтган тўпни Искандеров дарвозага жойлаб қўйди - 1:0.

• 41'
  

  Саидазамат Мирсаидовга сариқ карточка кўрсатилди.

• 38'

  Майдон марказида Жалолиддиновга нисбатан фол ишлатилди.

• 35'

  Энди "Олимпик" футболчилари майдонда устунлик қилмоқда.

• 32'
  

  Исмоилов ўта қулай имкониятни бой берди. Абдунабиев яна сейв қилди.

• 31'

  Учрашув темпи тобора ошиб бормоқда. 

• 28'

  Жўрақўзиевнинг боши билан дарвозага йўналтирган зарбасидан сўнг тўп дарвоза тўсини тепасидан ўтиб кетди.

• 24'

  Жасур Жалолиддинов қулай вазиятда турган Одиловга тўпни етказиб бера олмади. Шу тариқа, ҳужум самарасиз якунланди.

• 21'

  "Олимпиячилар" тўп назоратига эгалик қилмоқда.

• 19'

  "Олимпик" футболчилари ҳимоядан чиқиб кетишда қийинчиликка дуч келмоқда.

• 16'

  Болтабоевнинг узоқдан йўллаган зарбасига озгина аниқлик етишмади. Тўп дарвоза тўсини тепасидан ўтиб кетди.

• 14'

  Искандеровнинг узатмасидан кейин Жокич боши билан зарба берди. Аммо ноаниқ!

   

• 10'

  "Олимпик"нинг ҳужумлари рақиб ҳимоячилари томонидан бартараф этилди.

• 7'
  

  Ухх. "Лочинлар" кетма-кет хавфли ҳужумлар ташкил этмоқда. Абдунабиев қатор сейвлар ижро этди.

• 5'

  "Навбаҳор" футболчиси тепган тўп дарвоза тўсинига тегиб, майдонга қайтди.

• 3'

  Вазият наманганликлар учун фойда келтирмади.

• 2'

  "Навбаҳор" жарима зарбасига эга бўлди.

• 1'
  

  Учрашувга старт берилди.

• *'

  Жамоалар ПФЛ мадҳияси садолари остида майдонга чиқиб келишмоқда!