Superliga o‘yinlari 29 maydan boshlanadi

Daniya Superligasi 29 maydan davom ettiriladi. Ma’lumotlarga ko‘ra, o‘yinlar o‘tkazilishida bevosita ishtirok etadigan barcha odamlar muntazam ravishda koronavirusga qarshi testdan o‘tkazilib turiladi.

“Sog‘liqni saqlash tizimiga zarar etkazmaslik uchun ushbu mavsumni oqilona tarzda yakunlash juda muhimdir”, - deydi Superliga vakili.

Daniya Superligasi 24-turda to‘xtatib qo‘yilgan edi. Hozircha "Midtyulland" klubi 2-o‘rinda borayotgan jamoadan naqd 12 ochkoga ilgarilab ketgan holda peshqadamlik qilmoqda.