Суперклуб икки суперҳужумчига оғиз соляпти

“Бавария” Бундеслигадаги чемпионлик мавсумидан кейин таркибини янада кучайтиришга қарор қилган. Мюнхен суперклуби ҳужум чизиғига янги ўйинчиларни олиб келишни мўлжаллаяпти.

Kicker нашри тарқатган маълумотга қараганда, “Бавария” раҳбарияти “Ливерпуль”нинг 26 ёшли ҳужумчиси Коди Гакпо ва “Милан”нинг 25 ёшли ҳужумкор футболчиси Рафаэль Леауга жиддий қизиқиш билдиряпти.

Манбага кўра, Бундеслига гиганти спорт директори Макс Эберль ҳар икки футболчи агентлари билан мунтазам алоқани ушлаб турибди.

“Бавария” клуби хўжайинлар ҳар икки ҳужумчининг трансфер суммаси 70 миллион евродан баланд эканини яхши англаб турибди. Клуб янги ижрочиларни олиш учун таркибдан бир неча ўйинчиларни сотиб юборишга тайёрлиги айтилмоқда.