Suaresga sobiq jamoasi xaridor bo‘lmoqda

“Barselona” hujumchisi Luis Suares “Kamp Nou”dan ketmoqchi emas va shu sababli jamoa bilan amaldagi shartnomasini bekor qilishni xohlamayapti.

Sky Sport Italia muxbiri Janluka Di Martsioning xabar berishicha, kataloniyaliklar urugvaylik futbolchining maoshi juda ham katta ekanligi (yiliga 25 mln evro) bois, moliyaviy inqiroz paytida xarajatlarni kamaytirish uchun undan qutulmoqchi.

Ayrim xabarlarga qaraganda, 33 yoshli futbolchiga uning sobiq jamoasi – “Ayaks” xaridor bo‘lmoqda. Amsterdamliklar unga yiliga 3 mln evro maosh taklif qilmoqda.

Suaresning “Barselona” bilan amaldagi shartnomasi yana bir yildan so‘ng o‘z nihoyasiga etadi.