Сон "Тоттенхэм"дан кетиш арафасида

"Тоттенхэм" клуби сардори Сон Хён Миннинг келажаги мавҳум бўлиб қолмоқда. Журналист Бен Жейкобснинг хабарига кўра, АҚШнинг "Лос-Анжелес" клуби Жанубий кореялик футболчининг трансфери бўйича музокараларда катта илгарилашга эришган.

МЛС вакиллари Сон Саудия Арабистонига эмас, айнан Америкага ўтиш тарафдори эканлигига ишонмоқда. "Шпорлар" раҳбарияти эса агар 33 ёшли футболчи кетишни хоҳласа, унга тўсиқ қўймасликка тайёр.

Сон 2015 йилдан буён Лондон клуби сафида тўп сурмоқда ва бу вақт мобайнида жамоанинг рамзий фигураларидан бирига айланган. У жами 454 ўйинда майдонга тушиб, 173 гол урган ва 101 голли узатма амалга оширган.