Слот: "Унинг жамоада қолишини истайман"

"Ливерпуль" бош мураббийи Арне Слот клуб ҳимоячиси ва сардори Виржил ван Дейкнинг жамоадаги келажаги ҳақида фикр билдирди.

- Нима дейишни билмайман... Ван Дейкнинг кейинги мавсумда ҳам жамоада қолишини хоҳлайман. Мен унинг атрофидаги масалалар ва миш-мишлар бўйича шуғулланмайман, - деди мутахассис.

Маълумот учун, футболчининг клуб билан амалдаги шартномаси 2025 йил 30 июнда якунига етади.

Эслатиб ўтамиз, ван Дейк "Ливерпуль" таркибига 2018 йил "Саутгемптон"дан келиб қўшилган эди. Шу вақт мобайнида у "қизиллар" сафида клуб даражасида қўлга киритиш мумкин бўлган барча унвонларга эга чиқди. Жорий мавсумда нидерландиялик ҳимоячи барча мусобақаларда 40 та ўйинда иштирок этиб, 3 та гол урди ва 1 та голли узатмани амалга оширди.