Slot "Liverpul" himoyachi transferini hal qilganini aytdi

"Liverpul" bosh murabbiyi Arne Slot jamoa tarkibi yangi himoyachi Jovanni Leoni bilan to‘ldirilishini tasdiqladi. 18 yoshli futbolchi "Parma"dan APL klubiga o‘tadi.

"Klublar kelishuvga erishdi, ammo u hali biz bilan shartnoma imzolamadi. U shartnoma imzolashi bilanoq men tafsilotlarni aytib berishim mumkin", - deya Slotning so‘zlarini keltirdi Goal portali.

Bir kun avval "Parma" "Liverpul"dan Jovanni Leonini jamoada ijara asosida qoldirishni so‘rayotgani haqida xabarlar tarqalgandi.

"Liverpul" Angliya Premer-ligasining 1-turidan o‘rin olgan "Bornmut"ga qarshi bahsga tayyorgarlik ko‘rmoqda. O‘yin 15 avgust, juma kuni bo‘lib o‘tadi.