Симеоне: "Биз "Арсенал"га зарар етказмоқчимиз"

"Атлетико" бош мураббийи Диего Симеоне бугунги Чемпионлар лигаси учрашуви олдидан фикр билдирди. Бугун мадридликлар "Эмирейтс"да "Арсенал" меҳмони бўлади. Беллашув соат 00:00'да старт олади.

"Артета жамоа билан беш-олти йилдан бери ишлаяпти, уларнинг ўз ўйин услуби бор ва бу йўлдан чекинмайдилар. Аксинча, улар янги, юқори даражали футболчиларни жалб этиб, шу ғоя асосида ривожланишда давом этмоқдалар. Ҳар мавсум Премьер-лигада охиригача курашишади. Биз эса шундай ўйнашимиз керакки, уларга зарар етказа олайлик. Уларда ажойиб стадион, жонкуяр мухлислар ва албатта, юқори суръат бор.

"Арсенал" стандарт вазиятларда "Атлетико"нинг илгариги тажрибасини такрорлаяпти. Уларда зўр ҳужумчилар, баланд бўйли ўйинчилар ва бош билан ўйнашда жуда кучлилик бор. Шу йўл билан кўп гол урмоқдалар — жуда пухта ишлайдиган жамоа. Бу катта устунлик. Биз 2014 йилда шу йўл билан кўп ғалабаларга эришганмиз, улар ҳам бу йўлдан бориш имконига эга", — деди Симеоне.