Shvaynshtayger to‘p surayotgan klub 14 yoshli darvozabon bilan professional shartnoma imzoladi

AQShning “Chikago Fayr” klubi 14 yoshli darvozabon Gabriel Slonina bilan professional shartnoma imzoladi.

Klub rasmiy saytining xabar berishicha kelajagi porloq deya e’tirof etilayotgan darvozabon “Chikago Fayr” bilan “3+1” ko‘rinishida shartnoma imzolagan.

Qayd etish lozimki, Slonina MLS tarixida Freddi Adudan keyingi eng yosh darvozabon bo‘ldi.

Ma’lumot uchun, Sloninaning ayni damdagi bo‘yi 193 sm, og‘irligi esa 89 kg.

Eslatib o‘tamiz, “Chikago Fayr” klubi safida ayni damda afsonaviy Bastian Shvaynshtayger to‘p surmoqda.