Shukurov harakat qilayotgan "Sharja" klubi juda muhim 2 ochkoni boy berdi
Birlashgan Arab Amirliklari birinchi divizioni 17-turi doirasida Otabek Shukurov to‘p tepayotgan "Sharja" klubi "Al-Dafra" mehmoni bo‘ldi. O‘yin tomonlarning 1:1 hisobidagi durangi bilan yakunlandi.
Dastlab, turnir jadvali peshqadami 32-daqiqada kiritilgan Vellitonning goli orqali hisobda oldinga o‘tib oldi. Ammo 10 daqiqadan so‘ng, Konde penaltidan hisobni tenglashtirishga muvaffaq bo‘ldi.
Ushbu o‘yindan so‘ng. sharjaliklar hisobidagi ochkolar 37 taga etdi. Ulardan bitta kam o‘yin o‘tkazgan "Al-Jazira" 36 ochko to‘plagan holda, ikkinchi pog‘onada bormoqda.
Fikrlar
Шонли тарихга эга Насаф клубида шу кунларда кўплаб аянчли оқибатларга олиб келадиган ўзгаришлар кузатилмоқда. Жамоа мураббийи Рўзиқул Бердиев ва етакчи ўйинчилар билан контракт тузилмаган, жорий мавсум учун футболчилар ПФЛ дан рўйҳатдан ўтказилмаган, форвард Бобур Абдуҳолиқов ҳам мана Украина клубига текинга ўтиб кетди. Клуб спорт ишлари директори Юнус Набиевни ҳам ишдан олинади деган гаплар чиқди бугун. На ҳомийлар, на футболчилар билан тизимли ишлаш йўлга қўйилган. Насаф футбол клуби бош директори Сергей Кучеренкони ўйловсиз сиёсати клубни жар ёқасига олиб келди. Насафдаги муаммолар бош сабабчиси бўлишига қарамай жамоатчиликни чалғитиш мақсадида муҳлисларни вилоят ҳокимлигига қайради. Вилоят ҳокими Тошкентда даволаниш таътилида «Ўзбекнефтгаз» раҳбарияти билан гаплашиб клубга пул тушириб берди, қачонгача бундай бўлади энди? Трансфер, тадбиркорлар ва ҳомийлар билан ишлай олмаган Кучеренко нега ҳалиям лавозимида қолмоқда? Украина фуқароси бўлган Кучеренко ва ҳамкасбини клубда ишлаши учун клуб солиқ ҳам тўлаб келмоқда. Наҳотки Насаф клубини бошқара оладиган бошқа мутаххасис йўқ? Кучеренкони шу сиёсати бўлса, ўзбек футболига кўплаб етук футболчилар етказиб берган Насаф клуби инқирозга юз тутиши шубҳасиз. Насаф клуби атрофида бўлаётган воқеаларга вилоят ҳокими Зойир Мирзаев қандай қарайди? Шонли тарихга эга клуб бунақа таназзулга юз тутишини шу вилоят ва клубнинг содиқ мухлиси сифатида ман истамайман. Вилоят ҳокими ушбу вазиятга аралашиши шарт. Кучеренко исътефо берсин.