Shota Arveladze "Krasnodar" klubidan tushgan taklif bo‘yicha o‘z munosabatini bildirdi

"Paxtakor" klubining sobiq ustozi Shota Arveladze "Krasnodar"da ishlash uning uchun qiziq bo‘lishini aytdi.

- Bunday jamoada ishlash men uchun qiziq bo‘lardi, "Krasnodar" - yaxshi klub. Avvalroq menga taklif bilan chiqilgandi, ammo hozir bunday emas, - dedi Arveladze.

Eslatib o‘tamiz, yaqindagina "Krasnodar" klubi rahbariyati bosh murabbiy  Viktor Goncharenkoni lavozimidan ozod qildi. Uning o‘rniga Shota Arveladze nomzodi ilgari surilayotgandi.

Oldinroq gruziyalik mutaxassisning o‘zi Angliya klubi bilan shartnoma imzolash arafasida ekanligini ma’lum qilgandi.