Шомуродовнинг мундиалга чиққани Европада қандай баҳоланди?

Ўзбекистон миллий терма жамоаси ўз тарихида илк бор жаҳон чемпионатига йўлланма олди. Бу тарихий воқеа Бирлашган Араб Амирликларида маҳаллий терма жамоага қарши ўтган учрашувда рўй берди.

Бу баҳсда арабларни фақат ғалаба қониқтирарди. Футболчиларимиз эса, жаҳон чемпионатига йўл олиши учун дуранг натижа ҳам кифоя қиларди.

Ўйин кутилганидан-да оғир бўлди. Учрашув қаҳрамони сифатида арабларнинг бир неча хавфли зарбаларини қайтарган Ўткир Юсуповни кўрсатиш мумкин.

Ўзбекистон миллий терма жамоаси сардори ва энг зўр тўпурари Элдор Шомуродов Европанинг бешта топ-лигасидан бири – А Серияда ўйнаётгани боис, футболчиларимизнинг муваффақиятга олис юртлардан ҳам муносабат бўлмоқда.

Sports.uz  портали хорижлик экспертлар ва манбаларнинг тезкор муносабатларини ўзбекистонлик футбол ишқибозлари эътиборига ҳавола этади.

Габриэле КОНТИ,  Италиянинг vocegiallorossa.it сайти эксперти:

Бирлашган Араб Амирликлари майдонида мезбонларга қарши ўтказилган учрашувда Элдор Шомуродов ўзини кўрсата олгани йўқ. Лекин Ўзбекистон миллий терма жамоаси сардори сифатида жаҳон чемпионати йўлланмасини қўлга киритишни уддалади.

“Рома” ҳужумчиси арабларга қарши тўлиқ ўйнади, бироқ дарвозани ишғол қилгани йўқ. Бироқ голсиз дуранг ўзбекистонликларни мамлакат тарихида илк бор кейинги йил ёзда бўладиган  жаҳон чемпионатига чиқишига кифоя қилди.    

LAROMA24.IT, Италия сайти:

Ўзбекистон 2026 йили бўладиган жаҳон чемпионатида иштирок этади. Элдор Шомуродовнинг жамоаси Бирлашган Араб Амирликлари майдонида мезбонлар билан дуранг ўйнади – 0:0.

“Рома” ҳужумчиси учрашув давомида тўлиқ ҳаракат қилди ва терма жамоасининг мундиалга чиқишига катта ҳисса қўшди.

Кшиштоф СОБЧАК, Польшанинг wiadomosci.radiozet.pl сайти эксперти:

Ўзбекистон миллий терма жамоаси футбол бўйича жаҳон чемпионатида дебют қилади. Элдор Шомуродов ва унинг жамоадошлари Бирлашган Араб Амирликлари футболчилари билан дуранг ўйнаб, АҚШ, Канада ва Мексикада бўладиган мундиалга йўлланмани нақд қилди.

Гуруҳдаги вазият аниқ эди. Минтақавий саралаш турнирининг учинчи босқичи яқкунланишига икки тур қолганида  ўзбекларга энг яқин таъқибчи – БАА билан тўрт очколик фарқни сақлаб қолиш учун сафар учрашуида камида дуранг натижа ҳам кифоя қиларди. Ўзбеклар буни уддалади.

Учрашувда гол бўлмади, бироқ Ўзбекистон ўз тарихида илк бор жаҳон чемпионатига чиққанини байрам қилиши мумкин.

Ўзбекистон миллий терма жамоаси мундиал йўлланмасини муддатидан олдин қўлга киритди. Футболчиларимиз саралаш турнирининг учинчи босқичидаги охирги ўйинини 10 июнь куни “Бунёдкор” стадионида Қатар терма жамоасига қарши ўтказади.

Ўзбекистон ғалабасига Роналдунинг юртидан муносабат келди

Гвардиола ҳайрон: Ҳусанов Ямал билан ўйнаши мумкинми?

Файзуллаевдан хушхабар!

Ҳусановнинг “Манчестер Сити”даги келажаги муҳим қарорга боғлиқ?