Shomurodovning asosiy raqobatchisi shu yil faoliyatini yakunlamoqchi

"Jenoa" hujumchisi Goran Pandev A Seriya 21-turidan o‘rin olgan "Napoli"ga qarshi uchrashuvdan keyin faoliyatini yakuniy qismi haqida fikr bildirdi:

"So‘nggi jarohatimdan tiklanish jarayonida qiynaldim, ammo baribir o‘z holatimdan zavqlanaman va o‘zimni yaxshi his qilyapman. Ko‘ramiz, nima bo‘lar ekan. Men Evropa chempionatidan so‘ng faoliyatimni tugatish haqida o‘ylayapman. Biroq hamon aniq bir narsa deya olmayman", - dedi 37 yoshli futbolchi DAZNna bergan intervyusida.

Eslatib o‘tamiz, Pandev "Evro-2020"da Shimoliy Makedoniya terma jamoasi sharafini himoya qiladi.