Шомуродов жамоасига АПЛдан мураббий келади

Нуну Эшпириту Санту "Рома"нинг бош мураббийлик лавозимига тайинланиши мумкин.

"Relevo" нашрининг хабар беришича, Рим клуби раҳбарияти кеча "Ноттингем Форест" бош мураббийи билан боғланиб, унга икки йиллик шартнома таклиф этган. Шунингдек, унга қисқа муддатда Италия чемпионлигини қўлга киритишга қодир таркибни шакллантириш ваъда қилинган.

Италияликлар инглизлар билан музокаралар олиб бориб, мутахассиснинг ўтиши бўйича келишиб олишлари керак бўлади. Унинг "Ноттингем" билан шартномаси 2026 йилгача мўлжалланган.

Маълумот учун, "Рома" А Серия турнир жадвалида 37 турдан сўнг 66 очко тўплаб, 5-ўринни эгаллаб турибди.