Шомуродов 65 дақиқа ўйнаган ўйинда "Женоа" нохуш сериясига чек қўйди

Италия А Серияси 10-тур ўйинлари якунланди. Турнинг сўнгги учрашуви "Фиорентина" ва "Женоа" клублари ўртасида кечди. "Артемио Франки" стадионида бўлиб ўтган баҳс 1:1 ҳисобидаги дуранг билан тугади.

Ҳисоб 89-дақиқада Марко Пьяца томонидан урилди. Бирга-бир вазиятга чиқиб борган футболчи дарвозабонга имконият қолдирмади. Бироқ ҳакам томонидан қўшиб берилган дақиқаларнинг саккизинчисида Никола Миленкович жамоасини мағлубиятдан қутқариб қолди.

Эътиборли жиҳати, майдон эгалари 70-дақиқада ҳисобни очган эди. Бироқ видеотакрорларга мурожаат қилган ҳакам голни бекор қилди. "Женоа" дарвозасини ишғол этган Бонавентура гол уришидан бироз аввал қоида бузганди. 

Шу тариқа, генуяликлар ички чемпионатда кетма-кет 4 ўйин давом этган мағлубиятли сериясига барҳам берди.

• 90+9'
  

  Учрашув якунланди. Матнли трансляция Жавоҳир Азимов томонидан олиб борилди.

• 90+8'
  

  ГООООООООООЛЛЛЛЛЛЛ! "Фиорентина" ҳисобни тенглаштирди!

  Жарима майдонида юзага келган палапартишликдан фойдаланган Никола Миленкович дарвозани ишғол этди.

• 90+6'
  

  Узоқ масофадан берилган кучли зарбани "Женоа" посбони ушлаб олди.

• 90+5'
  

  Ҳакамга эътироз билдирган Валеро огоҳлантирилди.

• 90+4'
  

  Дестронинг яқин масофадан берган зарбасини дарвозабон қайтарди.

• 90+2'

  "Женоа" бутун жамоа бўлиб ҳимояланмоқда. Кейинчалик қарши ҳужумларда хавф туғдиришга ҳаракат қиляпти.

• 90'
  

  Ўйиннинг асосий вақтига 6 дақиқа қўшиб берилди.

• 89'
  

  ГООООООООООЛЛЛЛЛЛЛ! "Женоа" ҳисобни очди!

  Ҳимоячилардан қочиб, қулай позицияга чиқиб борган Пьяца дарвозабонга имконият қолдирмади.

• 88'
  

  Узоқ масофадан берилган зарба Дестрога тегиб, ўз йўналишини ўзгартирди ва дарвозадан жой олди. Ҳакам офсайд туфайли голни инобатга олмади.

• 87'

  Пеллегринининг бу сафарги узатмасидан кейин ҳам иккинчи қаватдаги устунлик мезбонлар томонда бўлди.

• 86'

  Бош билан йўлланган кучсиз зарбани "Женоа" посбони ушлаб олди.

• 85'

  Мезбонлар яна бир стандартга эга бўлди. Марказга ошиилган тўпни яна ҳимоячилар майдон ташқарисига чиқариб юборди.

• 82'

  Майдон эгалари ҳамон тўпни ўзларида ушлаб турибди. "Женоа" айтарли прессинг ҳам уюштира олмаяпти.

• 80'
  

  Роландо Маран ҳам охирги ўзгаришларни амалга оширди: Скамакка ҳамда Радованович майдонни тарк этди. Улар ўрнига Дестро ва Бехрами ўйинни давом эттиради.

• 79'
  

  Мезбонлар сафида ўзгариш: Влахович ва Рибери захирага олинди. Улар ўрнига Кутроне ҳамда Эйссерик ўйинга қўшилди.

• 77'
  

  Амрабатнинг зарбасини дарвозабон ушлаб олди.

• 75'

  Влаховичнинг ўткир бурчакдан йўллаган зарбаси ноаниқ кетди.

• 73'
  

  Эрик Пульгарга нисбатан қоида бузган Пеллегрини огоҳлантирилди.

• 72'
  

  Видеотакрорларни ўз кўзи билан кўргна ҳакам голни бекор қилди. Бонавентура позиция учун курашда рақибига нисбатан қўполлик ишлатган экан.

• 71'

  Ҳакам ВАРдаги ёрдамчиларига бироз аввал қўполлик ишлатилганлигини текширишни сўради.

• 70'
  

  ГООООООООООЛЛЛЛЛЛЛ! "Фиорентина" ҳисобни очди!

  Марказга узатилган тўпни Бонавентура бўш қолган дарвозага киритди. Ҳимоячилар унга қаршилик кўрсатишни уддалай олмади.

• 69'

  "Фиорентина" ҳисобни очишга жуда яқин келди. Бироқ Влаховичнинг қулай позициядан берган зарбаси ноаниқ кетди.

• 67'

  Меҳмонларда яна жарима майдонига мақсадсиз узатма ва яна дарвозабон тўпни осонликча ушлаб олмоқда.

• 65'
  

  "Женоа" сафида ўзгариш: Элдор Шомуродов ўз ўрнини Марко Пьяцага бўшатиб берди.

• 63'
  

  Марказга оширилган тўпни майдон эгалари узоқлаштирди. "Женоа" ҳужумда ҳеч нима қила олмаяпти.

• 62'

  Жарима майдонига узатилган тўпни меҳмонлар майдон ташқарисида чиқариб юборди. Генуяликларда бурчак зарбаси.

• 60'
  

  "Женоа" дарвозабони Маркеттига тиббий ёрдам кўрсатилмоқда.

• 57'

  Ўйин тизгини "Фиорентина" футболчилари томонда. Улар тинмай ҳужум уюштирмоқда.

• 55'

  "Женоа"нинг қарши ҳужуми Элдорнинг муваффақиятсиз ҳаракат туфайли барбод бўлди.

• 53'

  Бонавентуранинг бош билан йўллаган зарбасига аниқлик етишмади.

• 52'
  

  Марказга узатилган тўп йўлига Шомуродов тўғаноқ бўлди. Майдон эгалари бурчак тўпини ўйинга киритади.

• 50'

  Жарима майдони яқинида Лерагер рақибига нисбатан қўполлик ишлатди. "Фиорентина"да яна бир стандарт юзага келди.

• 47'

  Бўлимни мезбонлар ҳужум билан бошлади. Пессельянинг зарбаси ноаниқ кетди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+2'
  

  Танаффус!

• 45+2'
  

  Қарши ҳужумга ўтаётган Амрабатни чалиб йиқитган Стураро огоҳлантирилди.

• 45+1'

  Шомуродов бош билан зарба беришга ҳаракат қилди. Бироқ тўп сал баланддан ўтиб кетди.

• 45'
  

  Биринчи бўлимга 2 дақиқа қўшиб берилди.

• 45'

  Стураро узатган тўпга Скамакка зарба бера олмади. Камсонли имкониятлардан навбатдагиси кўкка совурилди.

• 44'
  

  Шомуродов офсайдда қолиб кетди.

• 43'

  Риберининг узоқ масофадан йўллаган зарбасига аниқлик етишмади.

• 41'
  

  Гастровили жароҳат олиб, майдонни тарк этди. Унинг ўрнини Бонавентура тўлдирди.

• 39'

  "Фиорентина" фаол ҳужумлар уюштиришда давом этмоқда. Бу сафар жарима майдонига узатилган тўпга интилган Влахович ва Маркетти тўқнашиб кетди.

• 37'
  

  Бироз аввал жароҳат олган Сапата майдонни тарк этди. Унинг ўрнига Паоло Гильеона ўйинни давом эттиради.

• 36'

  Ён чизиқдан тўпни ўйинга киритган меҳмонлар дарҳол тўпни йўқотди. Умуман олганда, бундан ҳолат қайта-қайта такрорланяпти.

• 34'
  

  Кристиан Сапатага тиббий ёрдам кўрсатилмоқда.

• 33'

  Скамакка жарима майдони ичида йиқилиб тушди. Ҳакам ишонч билан унга ўрнидан туриши кераклигини айтди.

• 32'

  Марказга оширилган тўпга Скамакка бироз ета олмади. Аксига олиб, Шомуродов ҳам тўп ўтишини кутмаган эди.

• 31'

  Ҳимоячилар жарима майдони ичида Риберини ёлғиз қолдирди. Франциялик футболчининг зарбасига анқилик етишмади.

• 30'

  Роландо Маран шогирдлари ҳимоядан шунчаки тўпни олдинга тепиб юбориш билан чиқмоқда. Бу ҳужум иккинчи темп билан давом этишига олиб келяпти.

• 28'

  Риберига қўли билан зарба бериб юборган Гольданига бу сафар оғзаки огоҳлантириш олди. Кейингиси карточка бўлиши мумкин.

• 27'

  Икки рақиби қуршовида қолган Пеллегрини узатма ўрнига ўзи рақибларни алдашга уринди. Бу қарори хато эканлигини у бироз кеч англади.

• 25'

  Жарима майдони ичига узатилган пас жуда содда чиқди. Ҳимоячилар тўпни осонликча узоқлаштирди.

• 24'

  Пеллегринига нисбатан Амрабат қоида бузди. "Женоа"да яхши стандарт вазият.

• 22'

  Флоренцияликлар қанотларни тез-тез алмаштириб, рақиб ҳимоясидан бўш ҳудуд изламоқда.

• 19'

  Риберининг узатмасига Кальехон ета олмади. Мезбонларнинг навбатдаги ҳужуми бесамар якунланди.

• 17'
  

  Стураронинг яқин масофадан йўллаган зарбаси ҳимоячига тегиб, ўз кучини йўқотди. Дарвозабон тўпни ушлаб олди.

• 16'

  "Женоа" ҳимоядан чиқишда узун пасларга таянмоқда.

• 15'
  

  Қарши ҳужумга ўтган Пеллегринини қоида бузиш эвазига тўхтатган Пульгар огоҳлантирилди.

• 12'

  Мезбонлар яна бир стандартга эга бўлди: жарима майдонига узатилган тўпни генуяликлар узоқлаштирди.

• 10'
  

  Рибери воқеалар ривожидан бироз илгарилаб кетди. Ҳакам ўйинни тўхтатди.

• 9'

  Генуяликлар жарима майдонига узатилган тўпни дарвозага тўғирлаб юбора олмади.

• 7'

  Марказда "Фиорентина" тўпни назорат қилмоқда.

• 5'

  Шомуродов бу сафар ҳам рақибини алдай олмади.

• 5'

  Майдон эгаларининг эрта прессинги "Женоа"ни орқа чизиқда узоқ вақт қолиб кетишга ундамоқда.

• 3'

  Тезкор қарши ҳужумга ўтган Шомуродов рақибдан ўтиб кета олмади. Рақтб елкама-елка курашда Элдорни қўполлик ишлатишга мажбур қилди.

• 2'
  

  Эрик Пульгарнинг аёрона зарбасини дарвозабон қайтарди.

• 1'

  Илк дақиқалардан олдинга ўтган мезбонлар стандарт вазиятга эга бўлди. Жарима майдони яқинида Гастровилли қоида бузиш эвазига тўхтатилди.

• 1'
  

  Ўйин бошланди!

• 0'

  Сардорлар иштирокидаги расмий жараёнлар ортда қолди. Ўйин бир неча сониялар ичида старт олади!

• 0'

  Футболчилар майдонга тушиб келди. Шомуродов учун "Женоа" либосидаги навбатдаги муҳим ўйин бошланиш арафасида!