Sharofiddin Lutfullaev JChning kumush medalini qo‘lga kiritdi

Xabar berganimizdek, -60 kg vazn toifasida yurtimiz sharafini himoya qilayotgan Sharofiddin Lutfullaev besh nafar raqibini mag‘lubiyatga uchratib, jahon chempionatining finaliga yo‘l olgan edi.

Hamyurtimiz hal qiluvchi bahsda gruziyalik dzyudo ustasi Chxvimiani Luxumiga qarshi tatamida kurash olib bordi va ippon bahosi bilan raqibiga mag‘lub bo‘lib, jahon birinchiligining kumush medaliga ega chiqdi. 

Bundan tashqari Lutfullaev  jahon va Tokio Olimpiadasi reytingi uchun 1400 ochkoni ham o‘z hisobiga yozib qo‘yishga erishdi.