СЕНСАЦИЯ! Хорватия асосий фаворит Бразилияни турнирдан чиқариб юборди

Жаҳон чемпионати чорак финалнинг илк ўйини якунланди. 

Бразилия ва Хорватия ўртасида кечган учрашувнинг асосий вақтида ҳисоб очилмади. Жамоалар қўшимча бўлимларга мурожаат қилди.

Экстра-таймларнинг биринчисида "пентакампеонлар" ҳисобни очди. Қўшиб берилган дақиқада Неймар чиройли комбинациядан кейин дарвозабонни алдаб ўтиб, гол урди. 

117-дақиқада Оршичнинг узатмасидан кейин Петкович гол уриб ҳисобни тенглаштирди. Пенальтилар сериясида Хорватия 4:2 ҳисобида ғалаба қозониб, ярим финалга йўл олди.