Сарри А Серияда рекорд ўрнатди

Хабарингиз бор кеча “Ювентус” А Сериянинг 17-турида сафарда “Сампдория”ни 2:1 ҳисобида енгди.

Эътиборлиси, бу “кекса синьора” бош мураббийи Маурицио Сарри учун А Сериядаги 100-ғалаба бўлди. Унга бу кўрсатгични қайд этиш учун 169 та ўйин етарли бўлди.

Таъкидлаш керакки, 60 ёшли италиялик мутахассис А Серияда 1994 йилдан буён мураббий сифатида ишлаб келмоқда.

Маълумот учун, бу борадаги иккинчи натижа Карло Анчелоттига (185 та), учинчи натижа эса Роберто Манчинига (197 та) тегишли.