Samvel Babayan ishtirokida matbuot anjumani bo‘lib o‘tdi (to‘liq)

Hozirgina “Lokomotiv”ning yangi bosh murabbiyi Samvel Babayan ishtirokida matbuot anjumani bo‘lib o‘tdi.

Tajribali mutaxassisning fikr-mulohazalari bilan onlayn tarzda tanishib olishingiz mumkin:

- Men diskvalifikatsiya haqida ortiq gapirmoqchi emasman. O‘tgan yilning yanvar oyida murabbiylar shtabi bilan "Spartak" Moskvada tajriba orttirdim. UEFA taklifiga ko‘ra Tallinda o‘tgan Superkubokka bordim. "Real" va "Atletiko" bahsiga. Menejerlik borasida o‘qidim. Bugungi kunda bizning futbolda professional menejerlar yo‘q hisobi.

- Men katta futbol o‘ynamagan oddiy yigitman. Klub administratoridan jamoa boshlig‘igacha, terma jamoa bosh murabbiyligiga qadar etib bordim.  O‘zimga baho bermagan bo‘lar edim. "Lokomotiv" O‘zbekiston chempionati liderlaridan biri.

- Bizga JCh-2018 saralashida bitta gol etishmadi. Qachon bu qadar yaqin kelgan edik. Haydarovning zarbasi gol bo‘lginad, Koreyada so‘nggi daqiqalarda gol o‘tkazib yubormaganimizda. JChga chiqish yo‘lida hamma bir stol atrofida birlashishi kerak.

- Nimaga Lobanov o‘ynadi? Men KXDRdan 2:4 hisobida uchralgan mag‘lubiyatdan so‘ng kelgan edim. Mirabror Zufarovich meni bosh jamoaga taklif qilgan edi.

O‘sha bellashuvda Nesterov bir xil xatolarga yo‘l qo‘ygan va bu yakunda natijaga salbiy ta’sir etgan edi. Lobanov esa o‘sha vaqtga qadar ikki karra O‘zbekiston chempioni bo‘lgan edi.

- Paxtakor"da 15 yil ishladim. Har bir murabbiyda jamoani o‘zgartirish holati bo‘lib turadi. Men klub prezidenti bilan uchrashdim. Aynan ularning ishonchlari va rejalari ulkan ekanligi bois bu erga keldim.

- Menejerlik va murabbiyni bir-biridan ayro tasavvur qilib bo‘lmaydi. Bugungi zamonaviy murabbiylar nafaqat bosh jamoa, balki, yoshlar jamoasi, akademiya haqida ham bosh qotirishi kerak bo‘ladi.

- Klublarimizning OChLdagi statistikalari yomon, afsuski. Bu yil jamoalarimizda guruhdan chiqish uchun yaxshi imkoniyatga ega edi. Men buni muvaffaqiyatsizlik deb atamagan bo‘lar edim.

Pley-offga chiqayotgan Xitoy, Qatar kabi mamlakat jamoalari kuchli legionerlar, mahalliylashtirilgan futbolchilar evaziga kuchayishmoqda. Bizning jamoalarda esa kuchli legionerlarni tarkibga qo‘shib olish uchun mablag‘ yo‘q.

- Hozir seleaktsiya ishlari boshlab yuborilgan. Rejalarimizni aniqlab olganmiz. Jamoaga yosh, kuchli futbolchilarni jalb etish rejalashtirilgan. Shuningdek, yoshlar jamoasidan ham tarkibni shakllantirarmiz.

- "Paxtakor"dan 8 ochkoga ortda qolyapmiz, bu juda ko‘p. Ammo mavsum hali tugagani yo‘q. Nima bo‘lgan taqdirda ham imkon qadar maksimal natija qayd etishga harakat qilamiz. "Lokomotiv" uchun oldindagi har bir bahs muhim ahamiyat kasb etadi.

- Muxlislar ham, jurnalistlar ham ko‘p narsani bilishmaydi. Tarkib tanlashda futbolchining ayni vaqtdagi jismoniy, ruhiy va yana ko‘plab aspetklarga qaraladi. Men OAV uchun ochiqman.

- Men MTJda ishlagan vaqtimda chap qanotda ikkita futbolchi bor edi. Masharipov va Shomurodov. Jaloliddinni "Paxtakor"da o‘ynagani uchun uni asosiy tarkibda tushirgan emasman. Professional tarzda yondashib Eldorga ishonch bildirganman. Ayni vaqtda u terma jamoaning etakchi futbolchisiga aylandi. Aynan mening davrimda MTJda debyut qilib, gol kiritganidan xursandman.