Самарқандда панкратион бўйича "Silk Road" турнири ташкил этилади

1 октябрь куни Самарқанд шаҳрида панкратион бўйича Silk Road (Ипак йўли) турнири бўлиб ўтади. Ўзбекистон панкратион ва грепплинг ассоциацияси томонидан ташкил этилаётган мазкур ўзига хос турнир U-13 (12-13 ёш) ҳамда U-15 (14-15 ёш) тоифасида  бўлиб ўтади.

Турнир Самарқанд шаҳридаги енгил атлетикага ихтисослаштирилган спорт мактабида ташкил этилади. Албатта, ушбу турнирдан кўзланган мақсад, ёш истеъдодларни саралаш ва халқаро турнирларда иштирокини таъминлашдан иборатдир.