Самарқанд вилояти ҳокими «Динамо» клубига янги автобус тақдим этди. Энди жамоанинг замонавий автобуси бор (Фото)

28 март, пайшанба куни Самарқанд вилояти ҳокими Эркинжон Турдимов «Динамо» стадионига ташриф буюрди. Бу ҳақда клуб матбуот хизмати хабар берди.

Шу куни эрталаб соат 9:00да стадионда бошланган тадбирда вилоят ҳокими “Динамо” футбол клубига хориждан келтирилган янги замонавий автобусни тантанали тарзда клуб ихтиёрига топширди. Маросимда “Динамо” жамоаси мураббий ва футболчилари, фахрий мухлислар ва ОАВ вакиллари иштирок этдилар.

Автобус калитини вилоят ҳокими жамоа сардори Акмал Холмуродовга тантанали тарзда топширди.

Ўз навбатида Акмал Холмуродов жамоа номидан вилоят ҳокими ва ҳомийларга юксак эътибор учун миннатдорчилик билдирди.