Салиба: "Дьёкереш бизга голлар уриб АПЛни ютишда ёрдам беради"

“Арсенал” клуби ҳимоячиси Вильям Салиба  “Спортинг” сафидан жамоа келиб қўшилган Виктор Дьёкереш ҳақида ўз фикрларини билдириб ўтди.

“Биз унинг қанчалик кучли футболчи эканлигини биламиз, унга қарши ўйнаш жуда мушкул. У жамоамизга қўшилганидан ҳурсандман ва ишончим комилки, у бизга ғалабалар қозониш ва совринлар ютишда ёрдам беради.

Виктор дахшатли ракиб, чунки гол урувчи ҳужумчига қарши ўйнаганда ниҳоятда сергак бўлиш керак. Дьёкереш энди жамоамизда ва биз учун голлар уради. Ҳар бир мавсум бошқасидан фарқ қилади. Биз ўтган уч мавсумдан сабоқ чиқаршимиз лозим. Яна Премьер-лига соврини учун курашиш имкониятига эга бўлганимиз катта омад.

Бизнинг мақсадимиз АПЛда чемпион бўлиш. Жамоамиз биринчи ўйинданоқ бор кучини кўрсатади. Жамоамизга кўплаб янги футболчилар бор, умид қиламанки улар чемпионатда ғалаба қозонишимизга кўмаклашишади”,- деди франциялик ҳимоячи.

Эслатиб ўтамиз, Артета жамоаси Премьер-лиганинг биринчи турида “Манчестер Юнайтед”га қарши майдонга тушади. Учрашув 17 август Тошкент вақти билан соат 20:30 да старт олади.