Рубен Аморим "Манчестер Юнайтед"даги муваффақиятсизликларни жамоа руҳияти билан боғлади

АПЛнинг 36-турида "Манчестер Юнайтед" ўз майдонида "Вест Хэм"га мағлуб бўлди ва жадвалда 16-ўринга тушиб кетди. Ушбу беллашувдан сўнг жамоа бош мураббийи ўйин ва мағлубиятнинг асосий сабаблари ҳақида ўз фикрлари билан ўртоқлашди.

— Мен учун энг хавотирли жиҳат — жамоада ҳаммаси жойидадек туюлиши. Гўёки мавқеимизни барибир ўзгартира олмаймиз, шунинг учун вазият ҳеч қандай хавотир уйғотмаяпти. Бу — клубимиздаги энг катта муаммо. Биз ўзимизни кучли клуб деб ҳис қилмай қўйдик ва худди ўз майдонимиздаги мағлубият оддий нарсадай қабул қилинмоқда. Менимча, айнан шу — асосий муаммо.

— Ўзингизни қандай ҳис қиляпсиз?

— "Манчестер Юнайтед" мураббийи бундай вазиятда ўзини қандай ҳис қилса, худди шундай. Менга уялиш қийин. Буни қабул қилиш жуда оғир. Ҳар бир инсон жиддий ўйлаб кўриши керак бўлган нарсалар бор.

Ҳамма Еврокубок финали ҳақида ўйлаяпти, лекин бу ҳозирги вазиятда асосий муаммо эмас. Бизда ҳал қилишимиз керак бўлган жуда муҳим масалалар бор ва мавсум охирида кўп нарсани ўзгартиришимиз керак.

Мен маданият ҳақида гапирмоқчи эмасман, аммо айтадиган бўлсам, бу каби бепарволик катта клуб учун энг хавфли ҳис.

Европа Лигасида биз ҳар доим яхши ўйнамаган бўлсак-да, курашчан бўляпмиз. Ютқазиш мумкин эмаслигини тушунамиз, ғалаба зарурлигини ҳис қиламиз. "Атлетик"да футболчи майдондан чиқарилса, бундан фойдаланамиз, диққатимиз тўлиқ ўйинга қаратилган. Аммо Премьер-лига ўйинларида бундай эмас — баъзида жамоа пухта тайёргарликсиз тушади. Ғалаба бизга шартдек туюлмаяпти. Шунинг учун ҳам жамоа руҳий жиҳатдан қийналмоқда.

Бунга аниқ изоҳ йўқ ва бунинг учун энг катта жавобгарлик менинг зиммамда. Ёзда кўп нарсани ўзгартиришимиз керак.

— Бу ўзгаришлар таркибда бўладими?

— Биламан деб айта олмайман ва футболчилар ҳақида гапиришни ҳам хоҳламайман. Мен ўзим ҳақимда гапиряпман. Клуб ва жамоа маданияти ҳақида. Биз айнан шу жиҳатни ўзгартиришимиз керак. Ёзда ҳақиқий кучли ва жасур жамоага айланишимиз лозим. Кейинги мавсум бу йилги каби бошланмаслиги керак. Агар бу ҳис тугалланмаса, бошқаларга ўрин берганимиз маъқул.

Очиғи, финал мени ҳеч қийнамаяпти. Бу ҳозир клубдаги энг муҳим муаммо эмас. Биз анча жиддий масалани ўзгартиришимиз керак, — деди "қизил иблислари" мутахассиси.

Эслатиб ўтамиз, манчестерликлар 21 майдан 22 майга ўтар кечаси Европа лигасининг финал босқичида "Тоттенхэм" билан куч синашади.