Рўзиқул Бердиев: "Биз қараб турмаймиз, чемпионликка лойиқмиз"

Суперлиганинг 26-туридан ўрин олган ОКМК - “Насаф” (1:1) учрашувидан кейинги матбуот анжуманида дастлаб меҳмонлар бош мураббийи Рўзиқул Бердиев иштирок этди.

- Бугунги ўйинга келсак, ОКМК ва “Насаф” мазмунли ва комбинацион ўйнайдиган жамоалар. Лекин бугун майдонни ҳолати шунга олиб келдики, кўпроқ узун паслар, курашларга бой ўйин бўлди. Иккала жамоа ҳам шу нарсаларга урғу берди. Шунга қарамасдан, иккала жамоада ҳам вазиятлар кўп бўлди. Балки иккинчи бўлимдаги имкониятлардан фойдаланганимизда ғалаба қозонган бўлишимиз мумкин эди.  

- “Насаф”ни учрашувга танлаган тактикаси қанчалик ўзини оқлади? Чунки иккинчи бўлимда жамоа ютқазаётганида Голбан майдонга туширилди.

- Узун паслар ва юқоридан ўйнайдиган ўйинчилар керак эди. Бундан олдинги учрашувларда ҳам Голбанни ҳужумга туширганмиз. Наф берган жойлари бор, шунинг учун ушбу қарорга келдик. Тўғриси, кеча ОКМК майдонида машғулот ўтказмадик. Футболчиларимизни техник томондан ўз ўйинларини кўрсатишга тайёрлагандик. Бугун келиб амин бўлдикки, фақат кураш, тепиш, стандарт вазиятларга эътибор қаратиладиган фикрган келиб, баъзи жойларда ўзгаришлар қилдик.

- “Насаф”нинг очко йўқотганидан кейин кўпчилик энди “Нефтчи” чемпион бўлиб кетиши ҳақида гапиришмоқда. Бу фикрларга қандай қарайсиз?

- Фикрлар кўп бўлади, ҳар ким ўз фикрини билдираверади. Ким чемпион бўлишини мавсум охири кўрсатади. Лекин кўпчилик “Нефтчи”га кўпроқ баҳо беряпти. Биз қараб турмаймиз, биз яқинмиз. Биз анчадан бери мағлубиятсиз келяпмиз. Чемпионликка лойиқмиз. Шу суръатда бор кучимиз билан ҳаракат қиламиз. “Нефтчи”ни қанчалик ҳаракат қилаётганини сиз ОАВ ходимлари ҳам яхши билиб турибсизлар. Менимча, “Нефтчи” буни амалга оширса, ортдаги инсонлар кўпроқ қаҳрамон бўлади, шекилли. Агар “Нефтчи” чемпион бўлса, қаҳрамонликни майдондан изламанглар. Бу мени фикрим.

- “Насаф” ОЧЛда яхши қатнаша олмаяпти. Жамоа чемпион бўлди, лекин халқаро майдонни “қурбон” қиляпти. Масалан, яна чемпион бўлса, ОЧЛни “қурбон” қилаверадими? Бу қанчалик тўғри?!

-  Биласизми, йилдан-йилга тажриба келяпти. Ўтган йили асосий вазифа чемпионлик эди. Шунга бор эътиборимизни қаратдик. Ҳозир бизни ва бизни футболимиз учун ҳам дарс бўляптики, бу иккита турнирда максимал курашмоқчи бўлсангиз, иккита бир хил кучли таркибга эга бўлиш керак. Бу бизга мактаб бўляпти. Сиз мени ҳолимга тушиб кўрсангиз, мени тушунасиз. Масалан, куни кеча “Ал-Аҳли” билан ўйнаяпмизку, аммо бугунги учрашувни кўп ўйладим. Кимгадир дам беришим керак эди. Тўлиқ таркиб билан ўша ерда бор кучимни йўқотиб келганимда бугун биз балки 20 дақиқа футбол ўйнардик. Шу боис қийинчиликлар бўляпти. Аммо ўзларингга ҳам очиқ аён бўляптики, кўпроқ эътиборимизни чемпионатга қаратганмиз.

- “Насаф” трансфер вақтида таркибини кучайтириш учун нима қилиши керак, деб ўйлайсиз? “Насаф” таркибини қандай кучайтириши мумкин? Масалан, ОЧЛ баҳсида ўтган сафар дарвозада иккинчи посбони Воробей турди.

- Қачондир бу ўйинчига имкон беришимиз керак эди, ўша куни имкон бердик. Яна бир бор имкониятини чамалаб олдик. Шунинг учун бу турнирда хатолар билан ўйнаяпмиз. Бироқ даражаси қанчалик юқорилигини кўриб турибсизлар. Қайсидир жамоамиз ўша жойда ўйнамоқчи бўлса, бюджети каттароқ бўлиши, ўша даражага жавоб берадиган футболчилар бўлиши керак. Бусиз иложи йўқ.