Россияда мавсум қачондан давом эттирилиши мумкин?

Россия футбол иттифоқи ва Россия премьер-лигаси раҳбарияти бугун мавсумнинг давом эттирилиш санаси масаласини муҳокама қилишди.

Унга кўра, томонлар мавсумни давом эттириш бўйича 2 та санани кўриб чиқишмоқда. Биринчи вариантга кўра, мавсум 21 июнь куни бошланади ва 2 август куни якунланади. Иккинчи вариантда эса ўйинлар 28 июндан бошланади.

Таъкидлаш керакки, ҳозиргача Россияда коронавирусга чалинган инсонлар 90 мингтага яқинлашиб қолди.