Роналдунинг зўрлиги яна бир бор тан олинди

Ямайкалик саккиз карра олимпия чемпиони ва 11 карра жаҳон чемпионати ғолиби Усэйн Болт Криштиану Роналдунинг жисмоний ҳолатига юқори баҳо берди.

- Ҳозир Роналду билан югуришдан баҳслашсак, у мендан ўзиб кетади. Чунки Криштиану ҳамон профессионал спортчилик фаолиятини давом эттирмоқда. У ҳар куни тер тўкиб, меҳнат қилади ва мен уни суператлет, деб тан оламан. Ҳозир у мендан тезкор, - деди Усэйн Болт.

Криштиану Роналду жорий мавсумда коронавирусга чалингани ва жароҳатга йўллиқанига қарамай, тўпурарлик қобилиятини намойиш этиб келмоқда. 35 ёшли футболчининг жисмоний имкониятлари кўпчиликни ҳайратга соляпти.