Ronalduning "otning kallasidek" maoshini kim to‘laydi?

 Bilamizki, Ronaldu hozirda dunyoning eng ko‘p maosh oluvchi futbolchisi hisoblanadi.Portugaliyalik futbolchi "An-Nasr"da yiliga taxminan 175 million funt (200 million evro) oladi.

"The Athletic" nashri xabariga ko‘ra, "An-Nasr”ning o‘zi bu summaning atigi 10 foizini to‘laydi. Qolgan 90 foiz Saudiya Arabistoni byudjeti hisobidan qoplanadi.

"Bu futbol tarixidagi eng yaxshi o‘yinchilardan biri bilan yonma-yon bo‘lish imkoniyatidir. Bu bizning klubimiz, Saudiya Arabistoni va butun mintaqa uchun tarixiy lahzadir", - dedi riyodliklar manbasi.

Saudiya Arabistoni futbol federatsiyasi bu ma’lumotga izoh berishdan bosh tortdi.

37 yoshli portugaliyalik Ar-Riyod klubi safida o‘tkazilgan 2 ta o‘yinda maydonga tushib, sermahsul harakatlari bilan ajralib turmadi.