Роналдунинг келажаги бугун ҳал бўлади

Криштиану Роналду бугун "Манчестер Юнайтед" билан ўз келажагини муҳокама қилади. 

Португалиялик футболчи уч ҳафталик таътилдан сўнг 4 июль куни мавсумолди машғулотларга қайтишни режалаштирган ва "Юнайтед" менежерлари ундан ўз позициясини маълум қилишни сўрамоқда. Бу ҳақда "The Telegraph" нашри хабар берди. 

Клуб Роналдунинг қарори қанчалик қатъи эканлигини ва ҳамон кетиш нияти жиддий бўлса, кейинги қадамлар икки томон учун қандай бўлиши борасида билмоқчи. 

"Қизил иблислар" раҳбарияти Роналдуга нисбатан кескин позицияни эгаллаши кутилмоқда. 

Аввалроқ, 37 ёшли ҳужумчи Уефа Чемпионлар лигасида ўйнайдиган клубга ўтишни истаётгани ҳақида хабарлар чиқаётганди.