Роналдунинг агенти МЮ раҳбарларига унинг кетишини айтди

Криштиану Роналду ўтган йили августда “Манчестер Юнайтед”га кўчиб ўтиб, собиқ жамоаси билан 2023 йилнинг ярмигача давом этадиган шартнома тузганди. Бироқ, португалиялик юлдуз келишувни охирига етказмайдиган кўринади.

Жорий чемпионат аввалида “Манчестер Юнайтед” чемпионликка даъвогарлик қилиши, жуда бўлмаган тақдирда кучли тўртликка кириб, Чемпионлар лигасини навбатда мавсумига чиқиш учун курашиши айтилганди.

Бироқ, мавсум ярмига келиб, ишлар режадагидек эмас. Жамоа кучли тўртликдан узоқлашиб бормоқда. Шу боис, футболчининг агентни Мино Райола клуб мутасаддилари билан учрашиб, агар “Манчестер Юнайтед” мавсум якунига кўра, Чемпионлар лигасига чиқа олмаса, Роналду ёзда бошқа клубга ўтишини маълум қилди.

Роналдунинг ўзи тўпурарлик маҳоратини йўқотгани йўқ. У манчестерликлар сафида Чемпионлар лигасида бешта ўйинда олтита ва премьер-лигада 16 та учрашувда саккизта гол урди.