Роналдуга гол нишонлаётгани тасвирланган антиқа соат совға қилинди (фото)

Криштиану Роналдуга 26 дона оқ олмосли ҳашаматли соат совға сифатида тақдим этилди. Соат португалиялик футболчи шарафига ишлаб чиқарилган.  Уларда Роналдунинг гол нишонлаётгани тасвирини ва бош ҳарфларни кўришингиз мумкин.

Роналду ушбу суратни ижтимоий тармоқлардаги саҳифаларига жойлаштирди. "Daily Mail" нашрининг ёзишича, бу соат 92 минг фунт (тахминан 105 минг евро) туради. Бу коллекциядаги тўртта соатдан бири. Энг қимматини 119 минг фунтга (тахминан 136 минг евро) сотиб олиш мумкин.

Эслатиб ўтамиз, Роналду 2023 йилдан буён "Ан-Наср"да ўйнаб келмоқда.