Роналдудан зўрлар кўп экан. “Манчестер Юнайтед” тарихидаги энг зўр футболчи ким?

Нуфузли FourFourTwo нашри “Манчестер Юнайтед” тарихида жамоада ўйнаган энг зўр футболчилар рейтингини тузиб чиқди.

Унга кўра, биринчи ўрин жамоанинг афсонавий ҳужумчиси Бобби Чарльтонга насиб қилди. Собиқ футболчи яқинда вафот этганидан хабарингиз бор.

Кучли учликдан Жорж Бест ва Брайан Робсон жой олди.

Энг қизиқиғи, жаҳон футболида энг кўп гол урган Криштиану Роналдуга кучли ўнликдан жой топилмади. У 11-поғонада қайд этилган.

Криштианудан юқорида  Эрик Кантона, Денис Лоу, Уэйн Руни, Райан Гиггз, Данкан Эдвардс, Петер Шмейхель ва Пол Скоулз жойлаштирилди.