Роналдудан зўр тўрт футболчи номи маълум бўлди

Аргентиналик машҳур ҳужумчи Серхио Агуэро жаҳон футболи тарихидаги энг зўр ўйинчилар рўйхатини тузиб чиқди.  Агуэро энг кўп гол урган Криштиану Роналдуни бу рейтингга киритмагани кўпчиликнинг эътиборини тортди.

- Жаҳон футболи тарихидаги энг зўр ўйинчилар кимлар? Булар Лионель Месси, Рональдиньо, Пеле ва Диего Марадона, - деди фаолияти давомида бир қатор совринларга эга чиққан Серхио Агуэро.

Шу ўринда, Агуэронинг танлови машҳур мураббий Жозе Моуриньоники билан муштарак чиққани ҳам эътиборли.

Португалиялик мутахассис дунё футболидаги энг зўр чарм тўп усталари сифатида Лионель Месси, Диего Марадона ва уч карра жаҳон чемпиони Пелени тан олган.