Ronaldu vataniga qarshi chiqsa, katta pul ishlab olishi mumkin
Portugaliyalik hujumchi Krishtianu Ronaldu 2030 yilgi jahon chempionatiga nomzod Saudiya Arabistonining elchisi bo‘lishga rozi bo‘lsa, katta miqdorda pul ishlab olishi mumkin. Bu haqda AFP nashri xabar tarqatmoqda.
Eslatib o‘tamiz, 2030 yilgi jahon chempionatini o‘tkazishga da’vogarlar orasida Krishtianuning vatani – Portugaliya ham bor. Pireneyliklar mundialni o‘tkazish uchun Ispaniya va Ukraina bilan birgalikda ariza topshirishadi.
Ronaldu Saudiya Arabistoniga o‘tgan yilning dekabr oyi oxirida ko‘chib o‘tgandi. 37 yoshli markaziy hujumchi “AL-Nasr” bilan shartnoma imzoladi. Uning yangi klubidagi maoshi yiliga 200 million evroni tashkil qiladi.



Fikrlar