Роналду “Реал”га Бруну Фернандешни харид қилишни тавсия қилди

Мадриднинг “Реал” клуби собиқ ҳужумчиси Криштиану Роналду “қироллик клуби” президенти Флорентино Пересга “Манчестер Юнайтед” футболчиси Бруну Фернандешни харид қилишни тавсия қилди. Бу ҳақда "Goal Digital" нашри хабар бермоқда.

Манбага кўра, “қизил иблислар” 30 ёшли футболчини сотишни хоҳламайди, бироқ уни 90 миллион еврога баҳолашган. Таъкидланишича, Фернандеш “Реал” сафида Карло Анчелотти қўл остида ўйнаш учун зарур бўлган барча сифатларга эга.

Жорий мавсумда Фернандеш барча мусобақаларда жами 47 ўйинда майдонга тушиб, 16 та гол ва 18 та голли узатма билан ажралиб турди. Унинг клуб билан тузган амалдаги меҳнат шартномаси 2027 йил ёзигача амал қилади. "Transfermarkt" порталидаги маълумотларга кўра, футболчининг бозор қиймати 55 миллион еврога тенг.