Роналду ўрнини фақат мана шу футболчи босишга қодир!

“Манчестер Юнайтед”нинг собиқ футболчиси  Рио Фердинанд  Криштиану Роналдунинг ўрнини фақатгина “Бавария” тўпурари Роберт Левандовски босишга қодир эканини таъкидлади.

Маълумки, португалиялик юлдуз жамоанинг мавсумолди тайёргарлик йиғиниган келгани йўқ ва тезроқ бошқа клубга ўтишни истаяпти.

- Мен Роналдунинг жамоадан кетишини тасаввур қила олмайман. Унинг ўрнини босиши керак бўлган Холанд ва Нуньес бошқа клубларга ўтиб кетди. Ҳозир Роналдунинг йўқлигини билдирмайдиган фақат битта ўйинчи бор. Бу Левандовски. Польшалик ҳужумчининг қалби уни “Барселона”га етаклаяпти. Лекин каталонияликлар бу трансферни эплай олиши мавҳумлигича қолмоқда.

“Манчестер Юнайтед” Левардовскини қўлга киритгандан кейингина Роналдунинг кетишига рухсат бериши керак, - деди Рио Фердинанд.