Роналду мухлислари ўқисин!

“Ювентус” ҳужумчиси Криштиану Роналду мавсумни  тарихий натижа билан якунлади.

Португалиялик футболчи якунланган чемпионат тўпурари бўлди.

Шу тариқа, Криштиану Роналду кучли бешлик чемпионатларидан Англия премьер-лигаси, Испания примераси ва Италия А Сериясида тўпурарлар пойгасида ғолиб чиққан ягона футболчига айланди. У "Манчестер Юнайтед" ва "Реал"да ўйнаган кезлари ҳам миллий чемпионат тўпурарлигини қўлга киритган эди. 

Роналду якунланган чемпионатда 33 та учрашув ўтказиб, рақиблар дарвозасини 29 маротаба ишғол қилди. Голлардан олтитасини пенальтидан киритди.

“Ювентус” Криштиануни 2018 йили “Реал”дан 117 миллион еврога сотиб олган эди. Португалиялик ҳужумчи расмий учрашувларда энг кўп гол урган футболчи сифатида жаҳон рекордини ўрнатган.