Роналду Месси билан бир жамоада ўйнаш учун Манчестердан кетади

Буюк Британиянинг нуфузли The Mirror нашри Криштиану Роналду “Манчестер Юнайтед”ни тарк этиб, АҚШ чемпионатига кўчиб ўтиши ҳақида хабар тарқатди. Манбанинг таъкидлашича, португалиялик юлдуз Дэвид Бекхэм эгалик қилувчи “Интер Майами” сафига қўшилиши кутилмоқда.

The Mirror журналистлари Дэвид Бекхэм сўнгги йилларнинг энг зўр икки ўйинчиси – Лионель Месси ва Криштиану Роналдуни бир жамоада ўйнатиш режасини амалга оширишга бел боғлаганини таъкидламоқда.

Аввалроқ, Лионель Месси ҳам АҚШ чемпионатига кўчиб ўтиб, “Интер Майами” сафида ўйнаши ҳақида хабарлар тарқатилган эди. Ҳатто ПСЖ юлдузларидан Неймар ҳам Месси билан мазкур жамоага ўтишга тайёрлигини билдирган.

Роналду жорий мавсумда 31 та учрашувда 18 та гол урди ва учта голли пас узатди.