Роналду “Манчестер Юнайтед”га талаб қўйди

“Манчестер Юнайтед” ҳужумчиси Криштиану Роналду жамоани тарк этишга тайёрлиги ҳақида The Times нашри хабар тарқатди.

Манбанинг маълум қилишича, 37 ёшли ҳужумчи клуб раҳбариятидан ўзи бўйича бошқа клублардан таклиф бўлса, уни қўйиб юборишни сўраган. Роналду фаолиятининг охирлаб бораётганини инобатга олиб, Чемпионлар лигасида ўйнайдиган жамоага ўтишни истаётганини яширмаяпти.

Аввалроқ ҳам, Роналду клубни тарк этмоқчи бўлаётгани хабар қилинган ва бунга мутасаддиларнинг трансфер бозорида сускаштликка йўл қўяётгани сабаб сифатида келтирилган эди.

Роналдуга Чемпионлар лигасида иштирок этиш ҳуқуқига эга жамоалардан “Челси” жиддий қизиқиш билдиряпти.