Роналду футбол тарихида деярли уддалаб бўлмас натижани қайд этди

"Ювентус" ҳужумчиси Криштиану Роналду кеча “Сассуоло”га (1:3) қарши бўлиб ўтган меҳмондаги ўйинда рақиб дарвозасини ишғол қилди.

ESPN нашри тарқатган хабарга кўра, бу 36 ёшли португалиялик футболчининг туринликлар сафида киритган юбилей 100-голи бўлди. Эътиборлиси, Роналду дунёдаги турли 3 та мамлакат клублари сафида 100 тадан ортиқ гол урган тарихдаги илк футболчига айланди.

Криштиану шу кунгача "Реал" сафида  450 та ва "Манчестер Юнайтед" сафида 118 та гол урган.

Роналду “Ювентус”га 2018 йилнинг ёзида 117 млн евро эвазига кўчиб ўтган эди. У жорий мавсум 42 та ўйинда майдонга тушди ва ўз ҳисобига 35 та гол ёздириб қўйди.