"Рома"нинг янги мураббийи аниқ! Машхур инсайдер буни тасдиқлади

Жан Пьеро Гасперини "Рома"нинг янги бош мураббий. Бу ҳақда Фабрицио Романо маълум қилди.

Инсайдернинг маълум қилишича, Рим клуби италиялик мураббий билан 2028 йилнинг ярмигача амал қиладиган шартнома имзолайди.

Маълумот учун, Гасперини "Аталанта"даги 9 йиллик фаолиятидан сўнг клубни тарк этади. Мутахассис 2016 йилнинг ёзида жамоада фаолият бошлаган эди ва 2023-2024 йилги мавсумда Европа Лигасида ғалаба қозонган ҳолда дастлабки совринини қўлга киритди.