“Roma”ning taklifi eng zo‘r himoyachiga yoqmadi

“Roma” himoya chizig‘i etakchisi Kris Smollingning “bo‘rilar” safidagi kelajagi mavhum bo‘lib turibdi.

Rim klubi mutasaddilari mavsum oxirida shartnomasi tugaydigan o‘yinchiga yangi bitim taklif qilgandi. Unga ko‘ra, klub angliyalik himoyachiga ikki yillik kelishuv va har mavsum uchun 2,5 million evrodan maosh va’da qilgan.

Ayni paytda klubdan 3,5 million evro maosh olayotgan Smollingga bu variant ma’qul kelmadi.

Kris Smolling oldida “Yuventus” va “Inter”da o‘ynash imkoniyati ham turibdi. Bu klublar 33 yoshli himoyachiga rimliklardan ko‘p maosh berishga tayyor.