“Roma”ga qarshi o‘yin oldidan “Milan”dan koronavirus chiqdi

Bugun Italiya chempionati doirasida “Milan” o‘z maydonida “Roma” futbolchilarini qabul qiladi.

Ma’lumotlarga qaraganda, o‘yin oldidan o‘tkazilgan test natijalariga ko‘ra, milanliklar uch nafar futbolchisida infektsiya aniqlandi.

- Klub o‘tkazilgan testlarda uch kishida koronavirus aniqlanganini tasdiqlaydi. Ular o‘zini yaxshi his qilmoqda va tibbiyot organlari instruktsiyalariga  muvofiq karantinga olindi. Endi butun jamoa reglament bo‘yicha qaytadan test qilinadi, -  deyiladi klub bayonotida.

Klub matbuot xizmati virus yuqtirgan futbolchilarning nomini keltirmagan bo‘lsa-da, Sky Sport Italia nashriga ko‘ra, karantinga olinganlar Fikayo Tomori, Alessio Romanoli va Davide Kalabriya ekan.